Mga Tinahod nga Mga Ginikanan,
Kumusta?
Among panghinaot nga anaa kamo sa kapiskay sa inyong panglawas.
Kaming mga maestro ug maestra mapasalamaton gayud sa inyong pagsalig sa DepEd sukad sauna labi na gayud karong panahona.
Dili matukib sa pulong ang among pagpasalamat sa inyong pagsalig ug suporta aron lamang magapadayun ang edukasyon sa inyong mga anak, nga ingong gitugyan kanamo sauna hangtod karon.
Niining higayona, kami magatuktok na usab sa inyong mga kasingkasing aron ang inyong mga anak magabayan sa gihapon.
Kamo makalaom nga among buhaton gihapon ang taman sa among makaya aron maka-alagad gihapon kanila kauban ang among mga lider sa departamento, principal, ug uban pa. Daghang salamat sa inyong pagdawat sa hagit nga karon kamo na usab ang adunay dakung bahin aron mogiya sa pag-eskwela sa inyong mga anak diha sa tagsa-tagsa ninyo ka mga pinuy-anan.
Daghang salamat sa inyong hataas nga pasensya. Nanghinaot kami nga magkakita-kita pa gayud kita sa umaabot.
Kauban natu ang Ginoo ilabi na gayud niining panahona.
Kaninyo matinahuron ug mapasalamaton,
Mga Maestro ug Maestra
No comments:
Post a Comment
Thank you for this comment. Your opinion counts!